Byin ke krim lòm yo grav e salte-l yo te fèt nan diferan nivo, dosie sièl lan kont li, ki te vas e konplike, jouinn bout li.
Paske konesans e privilege lòm pat minm, tribunal lan te deside pran akuze yo par group. Juj lan te tande an premie ka-a kont epav moral yo (1:24, 26-28). Apre sa, rès sosiete payin an te parèt devan Li (1:29-32). Plint lan kont payin an te sitèlman klè e fò ke bouch li te rete fèmin. Li pa-t gin defans.
Gnou minorite pami payin yo te mande gnou eksepsion akoz konesans e reputasion yo. Prosekutè an te montre yo ke eksepsion yo mande-a pa valab paske, etan yo gin konesans, yo konmèt minm aksion ak lòt payin yo. Moralis lan anba kondanasion (2:1-16).
Prezans Bondieu te anrichi Izraèl. Paròl, promès e revelasion volonte Li anvè-l te trikote istoua li fòdi se te gnou bèl toual, min privilèj sa yo pa-t anpeche li trafike nan peche (2:17-29). Bèl diskou li yo kont plint sièl lan anvè li pa chanje angnin (3:1-9). Jouif lan osi kondane.
Juj lan egzamine dosie an. Li ouè gingnin gnou diferans nan privilèj, min nan natu, kondision e eta yo, pa gin distinksion antre jouif lan e payin an. Yo tou-lè-de anba otorite, pouvoua e dominasion peche (3:9).
Sièl lan pase zie li sou tout sièk ki te pase, ki egziste e k-ap vini. Zie Omnisian obzève tout lòm (jouif e payin), pèse tout kè, tout lide, tout aksion. Apre Kris, li devouale nou ke, an regad natu lòm, ‘pa gingnin moun ki just, pa minm gnou sèl’ (3:10; Sòm 53:1). Peche egare intelijans espirituèl lòm. Sa-a koz li pa intèrese chache Bondieu. Li pito fè bann pou pousib kòrupsion. Peche k-ap soti nan kè li sal bon zèv li yo. Se sa-k fè Bondieu di pa gin gnou grinn moun ki fè byin, ki vledi, an fas jujman sa-a, pa gin aksion ke lòm fè Bondieu ap rekonèt e rekonpanse li pou yo. Bon zèv li yo p-ap mansione devan Bondieu nan jujman paske, legalman, yo pa egziste (3:11-12; Sòm 14:2-3; 53:2-3).
Natu injust lòm fè Bondieu pa intèrese li. Se kòrupsion ki nan gou li pito. Natu peche li an pa sèlman manifeste nan projè li. Paròl li vann li, tou. Gòj li, tankou tonb ki kinbe kadav pouri, ouvri pou fè moun malad ak movez odè an, ki signifie move intansion li anvè prochin li. Lang li se gnou zouti pou tronpe lèzòt pou profite de yo. Tankou prouazon k-ap soti nan bouch gnou sèpan, konsa lòm sèvi avèk bouch li pou detri lin-e-lòt, kit pou detri santiman lòt lan, reputasion li, zanmitay osoua fouaye li. Olie li beni lòt lan ak paròl li, se malediksion e bagay anmè li vomi sou li (3:13-14; Sòm 5:9, 10:7, 64:3; 140:3).
Tribunal lan te kòmanse nan natu lòm, pase nan intansion e projè li, soti nan bouch li, e, finalman, rive sou tras pie li (3:10-17).
Move intansion lòm anvè prochin li pa rete nan paròl min-l manifeste ann-aksion, tou, paske pie li lejè pou vèse san. Bondieu suiv tras pie lòm depi Kayin te tue Abèl o-kòmansman rive sou dènie jou li sou tè an. Tout kote li pase, lòm kite destruksion e malè dèyè do-l paske li pa konn chemin la pè (3:15-17; Ezayi 59:7).
Li klè ke move eta e kondision lòm se manifestasion natu peche li, min tribunal lan devouale nou kòman peche fè fè-l rive la: peche te retire krintif pou Bondieu nan kè li (3:18).
Tribunal lan rive sou gnou desizion anvè lòm. Jouif lan anba la loua se gnou egzanp pou umanite. Intansion Bondieu lè-L te bay jouif lan la loua se pou la loua te fèmin bouch umanite an regad koupablite li. Lòm te doue ouè tèt li echoue avèk jouif lan nan dezobeisans li depi-l te kite Ejip juskaske li te deside rejte Mesi (Kris) li an. Izraèl te dezobei la loua kontinuèlman paske la loua te la pou montre li ke li posede gnou natu peche. Li paka jouinn justis nan la loua paske natu sa-a kont la loua Bondieu-a. Pou rezon sa-a, la loua paka bay salu. Li la pou montre lòm ke li se gnou pechè kondane ki anba kolè Bondieu.
Tribunal sièl lan deside, deyò justis Bondieu-a ki disponib nan Kris, lòm koupab e kondane anba kolè sièl lan. Moralis lan koupab tankou epav lan. Jouif lan anba kolè minm jan ak payin an (3:19-20).